“Halkara parahatçylyk we ynanyşmak” ýylynda, Türkmenistanyň Bitaraplygynyň 30 ýyllygy mynasybetli Türkmenistanyň Bilim ministrligi, Türkmenistanyň Magtymguly adyndaky Ýaşlar guramasynyň Merkezi Geňeşi, Aşgabat maliýe-ykdysady orta hünär okuw mekdebi bilen bilelikde Aşgabat şäheriniň we welaýatlaryň maliýe-ykdysady orta hünär okuw mekdepleriniň arasynda “Bilim-bagtyň çyragy” atly bilim bäsleşigiň

 

D Ü Z G Ü N N A M A S Y

 

Türkmenistanyň Bilim ministrligi, Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikde Aşgabat maliýe-ykdysady orta hünär okuw mekdebinde «Halkara parahatçylyk we ynanyşmak» ýylynda, Türkmenistanyň Bitaraplygynyň 30 ýyllygy mynasybetli geçiriljek ders bäsleşigi ykdysadyýet boýunça zehinli ýaşlary ýüze çykarmaklyga ýardam berer.

 

 

I.     UMUMY DÜZGÜNLER

 

 

 

 

  

1. Şu Düzgünnama Aşgabat şäheriniň we welaýatlaryň maliýe-ykdysady orta hünär okuw mekdepleriniň, Türkmenistanyň Söwda we daşary ykdysady aragatnaşyklar ministrliginiň Söwda-kooperatiw mekdebiniň, Türkmenistanyň Gahrymany Atamyrat Nyýazow adyndaky Ýöriteleşdirilen bank mekdebiniň talyplarynyň arasynda «Sanly ykdysadyýet» dersi boýunça geçiriljek ders bäsleşigini guramagyň we geçirmegiň tertibini kesgitleýär. Bu bäsleşik talyplaryň alan nazary bilimlerini berkitmek, başarnyklaryny we ukyplaryny ösdürmek, şeýle hem olaryň özbaşdak işlemek endiklerini kämilleşdirmek maksady bilen geçirilýär.

  

2. Ders bäsleşiginiň maksady we wezipeleri:

 

 

 

a. orta hünär okuw mekdepleriň talyplarynyň arasynda işjeň gatnaşyklary emele getirmek we berkitmek;

 

b. ykdysadyýetde ýüze çykýan meseleleri seljermek, derňemek we olaryň oňyn çözgüdini tapmak boýunça ukyp-başarnyklary bolan ýaş hünärmenleri ýetişdirmek;

 

c. ykdysadyýet ugruna degişli bolan nazary meseleleri çözmäge gyzyklanma döretmek;

 

d. zehinli talyplary ýüze çykarmak;

 

e. talyp ýaşlary mundan beýläk hem bilimini kämilleşdirmäge ruhlandyrmak;

 

f. orta hünär okuw mekdepleriň özara aragatnaşygyny kämilleşdirmek.

 

 

 

II.     BÄSLEŞIGI GEÇIRMEGIŇ TERTIBI

 

 

2.1. Bäsleşik döwlet dilinde geçirilýär. Aşgabat maliýe-ykdysady orta hünär okuw mekdebinde 2025-nji ýylyň fewral aýynyň 15-ine sagat 10:00-da geçiriljek ders bäsleşigine her orta hünär okuw mekdebinden 3 sany talybyň gatnaşmagyna rugsat berilýär. Gatnaşjak talyp we onuň ýolbaşçy mugallymy baradaky maglumatlar 2025-nji ýylyň ýanwar aýynyň 25-ine çenli şu Düzgünnamanyň goşundysyna laýyklykda bäsleşigi guraýan Aşgabat maliýe-ykdysady orta hünär okuw mekdebiniň ashmaliye@sanly.tm elektron poçtasyna ugradylmaly. Her bir gatnaşýan talyp bellenen tertipde hasaba alnar.

 

2.2. Bäsleşikde 100 sany test soraglary hödürlener. Her bir dogry test soragynyň jogaby 1 ball bilen bahalandyrylar. Bäsleşikde gazanyljak ballaryň iň ýokary mümkinçiligi 100 ball.

 

2.3. Bäsleşige gatnaşýan talyp test soraglaryny özbaşdak işlemelidir. Bäsleşigiň dowamynda gatnaşyjylara özara maslahat etmeklige, kitap we beýleki maglumat göteriji serişdelerinden peýdalanmaklyga rugsat berilmeýär.

 

2.4. Bäsleşigiň dowam edýän wagtynda şu Düzgünnamanyň talaplaryny bozan talyp bäsleşige gatnaşýanlaryň hataryndan çykarylýar.

 

 

 

 

III.     BÄSLEŞIGIŇ NETIJELERINI JEMLEMEK WE ÝEŇIJILERI SYLAGLAMAK

 

 

3.1. Aşgabat şäheriniň we welaýatlaryň maliýe-ykdysady orta hünär okuw mekdepleriniň, Türkmenistanyň Söwda we daşary ykdysady aragatnaşyklar ministrliginiň Söwda-kooperatiw mekdebiniň, Türkmenistanyň Gahrymany Atamyrat Nyýazow adyndaky Ýöriteleşdirilen bank mekdebiniň talyplarynyň arasynda «Sanly ykdysadyýet» dersi boýunça geçiriljek ders bäsleşigini guramak we geçirmek boýunça umumy ýolbaşçylygy amala aşyrmak üçin Guramaçylyk topary döredilýär. Guramaçylyk toparynyň düzümi Türkmenistanyň Bilim ministrliginiň, Türkmenistanyň Magtymguly adyndaky Ýaşlar guramasynyň Merkezi Geňeşiniň, Ýokary okuw mekdebiniň wekillerinden ybaratdyr. Guramaçylyk topary bu ders bäsleşigini geçirmegiň esasy ýörelgelerini kesgitleýär hem-de ony guramak we geçirmek boýunça işleri alyp barýar.

 

3.2. Geçiriljek ders bäsleşigiň netijeleri Aşgabat maliýe-ykdysady orta hünär okuw mekdebiniň internet sahypasynda ýerleşdiriler. Bäsleşige gatnaşýan talyplaryň işleriniň netijesi boýunça düşünişmezlik ýüze çykan ýagdaýynda, bahalandyryş toparyna arz-şikaýat bilen talyplara ýolbaşçylyk edýän mugallymlar ýüz tutup biler.

 

3.3. Bäsleşigiň netijeleri şahsy esasda hasaba alynýar. Şahsy orunlar testler boýunça toplanan ballaryň jemi boýunça kesgitlenilýär. Geçiriljek ders bäsleşikde şahsy esasda I, II we III orunlary eýelän ýeňijiler, degişlilikde I, II we III derejeli diplomlar we sowgatlar bilen sylaglanarlar.